Pleyeri seçin:
Bakıda hündürmərtəbəli binada yanğın söndürülüb
Bakının Suraxanı rayonunda onikimərtəbəli yaşayış binasında yanğın olub. Bu barədə Fövqəladə Hallar Nazirliyindən bildirilib.
Qaraçuxur qəsəbəsi, Əhməd Mehbalıyev küçəsində baş verən yanğınla əlaqədar Nazirliyin Dövlət Yanğından Mühafizə və Xüsusi Riskli Xilasetmə Xidmətinin qüvvələri əraziyə cəlb olunub.
Yanğınsöndürənlərin operativ müdaxiləsi sayəsində onikimərtəbəli yaşayış binasının 12-ci mərtəbəsində yerləşən ikiotaqlı mənzilin eyvanında baş verən yanğının genişlənməsinə, o cümlədən mənzilin digər hissələrinə keçməsinə imkan verilmədən qısa müddətdə söndürülüb.
Hadisə nəticəsində ümumi sahəsi 60 kvadratmetr olan mənzilin eyvanında 5 kvadratmetr sahədə məişət tullantıları və taxta qırıntıları yanıb.
Hadisənin baş verdiyi mənzil, habelə digər mənzillər yanğından mühafizə olunub.
Kopyalandı
#Suraxanı teqi istifadə olunub
Seçilmişlər
