Bakıda kikboksçu qızı sevgilisi döydü | DİN araşdırmaya başladı

Kikboksçu Tulin Ələkbərova sevgilisi Sübhan adlı şəxs tərəfindən ölümcül döyülüb.

Bu barədə Tulin Ələkbərova sosial media hesabında paylaşım edib.

İdmançı xanımın sözlərinə görə, hadisə dekabrın 27-si, səhər saatlarında yarımtikili ərazidə baş verib. Sevgilisi Sübhanın ona xəyanət etdiyini öyrənən Tulin Ələkbərova danışmaq üçün onu görüşə çağırıb. Nəticədə aralarında mübahisə yaranıb və söhbət dava ilə bitib.

Faktla bağlı Daxili İşlər Nazirliyi də məlumat yayıb. Qurumun əməkdaşı Nurlan Əliyev Oxu.Az-a açıqlamasında bildirib ki, Tulin Ələkbərovanın döyülməsi barədə araşdırma aparılır. Məsələ barədə əlavə məlumat veriləcək.