Bakıda məktəblilərin zəhərlənmə hadisəsi | Agentlikdən məlumat - Baku TV

Bakı şəhəri 14 nömrəli tam orta məktəbin səkkiz şagirdi zəhərlənib.

İlkin araşdırmalarla məlum olub ki, şagirdlərdən biri dərsə gələrkən məktəbin yaxınlığındakı marketdən saqqız alıb və sinif yoldaşlarına da verib. Ehtimal olunur ki, saqqıza görə uşaqlar özlərini narahat hiss etməyə başlayıblar.

Sözügedən marketdən isə bildirilib ki, marketdə köhnə heç bir məhsul yoxdur.

Tibbi Ərazi Bölmələrinin İdarəetmə Birliyindən verilən məlumata görə, təcili tibbi yardım briqadası tərəfindən Respublika Pediatriya Mərkəzinin nəzdində olan Uşaq Klinik Xəstəxanasına 5 nəfər (kişi cinsli), Nərimanov Uşaq Yoluxucu Xəstəliklər Xəstəxanasına 3 nəfər (kişi cinsli) hospitalizasiya olunub.

Onların hər birinə zəruri tibbi xidmətlər göstərilib. Pasiyentlərdən 1-nə yuxarı tənəffüs yollarının dəqiqləşdirilməmiş infeksiyası, digər 7 pasiyentə isə kəskin qastrit diaqnozu təyin edilib. Onlar ambulator müalicə üçün evə buraxılıblar.

Qeyd edək ki, hadisədən sonra Qida Təhlükəsizliyi Agentliyi məsələni nəzarətə götürdüyünü, araşdırmalara başlandığını açıqlayıb.