Bakıdakı dəhşətli yanğının təfərrüatı | Gül dükanı külə döndü
Bakıda “Ağ çiçəyim” gül mağazasında yanğın baş verib.
Fövqəladə Hallar Nazirliyindən bildirilib ki, Bakı şəhəri, Nəsimi rayonu, Azadlıq prospektində yerləşən mağazada baş vermiş yanğın yerinə 8 yanğınsöndürmə avtomobili, 3 xüsusi texnika və 75 nəfər şəxsi heyət cəlb edilib.
Qeyd edilib ki, yanğın qısa müddət ərzində məhdudlaşdırılıb və hazırda tam söndürülmə işləri görülür: “Xəsarət alanlar barəsində hələ ki heç bir məlumat daxil olmayıb. Yanğının ərazisi ölçülür, əlavə məlumat veriləcək”.
Bakı Şəhər Nəsimi Rayon İcra Hakimiyyətinin başçısı Asif Əsgərov yanğın barədə jurnalistlərə açıqlama verib.
A.Əsgərov bildirib ki, ilkin ehtimala görə, hadisə elektrik şəbəkəsindəki nasazlıq səbəbindən baş verib. Onun sözlərinə görə, hadisə nəticəsində xəsarət alan olmayıb və fərdi yaşayış evlərinə cüzi ziyan dəyib.
![icon](/images/loading.png)