Bədbəxt hadisənin qurbanı olan Ümidin atası danışdı | Xızıda ailə faciəsi

Xızıda 7 yaşlı uşaq bədbəxt hadisənin qurbanı olub.

Belə ki, rayonun Altıağac qəsəbəsində yaşayan 7 yaşlı Ümid Eyvazlı mal-qaranın bit-birədən təmizlənməsi üçün istifadə edilən dərman vasitəsini başına sürtüb. Bundan sonra azyaşlının halı pisləşib.

Uşağın vəziyyətindən xəbər tutan doğmaları onu dərhal Xızı Rayon Mərkəzi Xəstəxanasına çatdırıblar. Daha sonra Bakıya – Respublika Klinik Xəstəxanasına yola salınan azyaşlının həyatını xilas etmək mümkün olmayıb. Ü.Eyvazlı yolda dünyasını dəyişib.

“Başı qaşınırdı. Görüb ki, babasıgil qoyunlara bit dərmanı vurur. Uşaq da götürüb başına sürtüb. Sonradan anası, babası xəbər tutublar ki, uşaq halsızdır. Təcili tibbi yardımla aparıblar, xəbər tutdular ki, uşağın ağzından artıq köpük gəlib”, – deyə Ü.Eyvazlının atası söyləyib.

Faktla bağlı Xızı Rayon Prokurorluğunda araşdırma aparılır.