Bir ailənin 5 üzvü... | Qonşular Sumqayıtdakı bədbəxt hadisədən danışdı

Sumqayıtda zəhərlənmə hadisəsi baş verib.

Hadisə şəhərin 18-ci məhəlləsində qeydə alınıb.

Belə ki, üçü yeniyetmə olmaqla bir ailənin beş üzvü dəm qazından zəhərlənib. Zərərçəkənlər Sumqayıt Şəhər Xəstəxanasına çatdırılıblar.

Sumqayıt Tibb Mərkəzindən bildirilib ki, yanvarın 12-si saat 21:50 radələrində Sumqayıt Tibb Mərkəzinin Təcili Tibbi Yardım Xəstəxanasına üç nəfər (iki qadın, bir kişi cinsli), Uşaq Xəstəxanasına isə iki nəfər (bir qadın, bir kişi cinsli) hospitalizasiya olunub:

“Dəm qazının toksiki təsiri diaqnozları təyin edilən şəxslərə zəruri tibbi xidmətlər göstərilib. Onlar ambulator müalicə üçün evə buraxılıblar”.

Qeyd edək ki, zəhərlənən şəxslər 1981-ci il təvəllüdlü İlqar Süleymanov, onun həyat yoldaşı 1986-cı il təvəllüdlü Könül Süleymanova, övladları – 2006-cı il təvəllüdlü Yetər Süleymanova, 2007-ci il təvəllüdlü Turanə Süleymanova və 2008-ci il təvəllüdlü Ülvi Süleymanovdur.

Faktla bağlı araşdırma aparılır.