Bir əli sükanda, bir əli isə... | Bakıda tanınmış idmançının düşdüyü qəzadan anbaan görüntülər

Məşhur fitnes mütəxəssisi Hidayət Məhərrəmli paytaxtın Səbail rayonu ərazisində yol-nəqliyyat hadisəsi törədib. İdmançı hadisə anını sosial şəbəkədə paylaşıb.

Görüntülərdən məlum olur ki, o, saatda 90 kilometr sürətlə hərəkətdə olarkən diqqətini yoldan yayındırır və bir əli ilə telefonla çəkiliş edir. Bu zaman “Mercedes” markalı avtomobil idarəetmədən çıxaraq bardürə çıxır.

Baş Dövlət Yol Polisi İdarəsinin baş inspektoru Elvin Hacıyev idmançı Hidayət Məhərrəmlinin sükan arxasında telefonla çəkiliş apararkən qəzaya düşməsi və bununla bağlı sosial şəbəkələrdə yayılan görüntülərə münasibət bildirib.

O qeyd edib ki, sükan arxasında telefondan istifadənin istənilən forması – istər danışmaq, istər yazışmaq, istərsə də videoçəkiliş aparmaq həm sürücünün öz həyatını, həm də digər hərəkət iştirakçılarının təhlükəsizliyini ciddi risk altına qoyur.