Camaat bu yolu görüb geri qayıdır... | Quba sakinləri çıxılmaz vəziyyətdə qaldı

Qubanın Yeni Güləzi kəndində Qusarçayın üzərindəki alternativ yol dağılıb.

Güclü sel Bakı-Quba-Rusiya sərhədindəki avtomobil yolunun 182-ci kilometrliyində yerləşən yolu yuyaraq sıradan çıxarıb.

Selin yolu dağıtması nəticəsində Quba sakinləri çətinliklərlə üz-üzə qalıb, nəqliyyatın hərəkətində problemlər yaranıb.

“Körpümüzü sel aparıb, məcburi Qusar ərazisindən keçib getməliyik. Nəticədə yolumuz 20 kilometr uzanıb. Alternativ yolu da sel dağıtdığına görə çətinliklər yaranıb. Əhali əziyyət çəkir, hamı geri qayıdır”, – sakin narazılığını bildirib.