Canavarlar sakinlərə 4 min manat ziyan vurdu

Qubada kəndə hücum çəkən canavarlar sakinlərin heyvanlarını parçalayıb. Hadisə rayonun ucqar dağ kəndlərindən olan Aydınkənddə baş verib.

Səhər saatlarında həyətlərə girən yırtıcılar bir neçə sakinin təssərrüfatına ciddi ziyan vurub. 20 başdan yuxarı xırdabuynuzlu heyvanı parçalayıb. Onlardan 10-u tələf olub.

Kənd sakini Vasif Tarverdiyevin dediyinə görə, həmin qoyunlar köməklik məqsədilə rayon məşğulluq xidməti tərəfindən verilibmiş.

Baş verən hadisə ilə bağlı baytarlıq xidmətinə məlumt verilib. Canavarlar sakinlərə təxminən 4 min manat məbləğində ziyan vurub.