Cəlilabadda ağır qəza | Xəsarətalanlar var

Cəlilabadda ağır yol-nəqliyyat hadisəsi baş verib.

Hadisə Köhnə Ələt-Astara magistralının Cəlilabaddan keçən hissəsində, yol üstündə yerləşən yeməkxanaların birinin qarşısında qeydə alınıb.

Belə ki, “Ford”un sürücüsü avtomobilini burada saxlayaraq yeməkxanaya keçib. Həmin an arxa hissədən sürətlə gələn minik avtomobili idarəetmədən çıxaraq birbaşa “Ford”a çırpılıb.

Ağır bədən xəsarətləri alan iki şəxs – rayonun Ocaqlı kənd sakinləri – 27 yaşlı Eldar Bayramov və Rəhim Mustafayev Cəlilabad Rayon Mərkəzi Xəstəxanasına aparılıblar.

Xəstəxanadan verilən məlumata görə, yaralılardan biri reanimasiyaya yerləşdirilib.

Hadisə ilə bağlı araşdırmalar davam edir.