Hadisə
Pleyeri seçin:
Dəhşətli qətl hadisəsinin təfərrüatları
2021-ci il oktyabrın 21-də paytaxt sakini Vilayət Məmmədov yaşadığı Sahil qəsəbəsi, Məhərrəm Seyidov küçəsi, 21 ünvanındakı evdə arvadını qətlə yetirməsi barədə polisə məlumat verib.
Hadisə yerinə baxış zamanı yataq otağının girişində Aliyə Məmmədovanın meyiti aşkar edilib və məhkəmə-tibbi ekspertizanın rəyi əsasında onun ilgəklə boğularaq öldürüldüyü məlum olub.
Bununla bağlı Qaradağ rayon prokurorluğunda qəsdən adam öldürmə maddəsi ilə cinayət işi başlanılıb. İstintaq zamanı müəyyən edilib ki, Qubadlı rayonunda anadan olan 38 yaşlı Vilayət Məmmədov Aliyə Məmmədovanı qısqanclıq zəminində öldürüb. Məhkəmə iclasında Vilayət Məmmədov ittiham üzrə özünü təqsirli bilib. Onun təqsirli olması tam sübuta yetirilib.
Vilayət Məmmədov Bakı Ağır Cinayətlər Məhkəməsinin hökmü ilə cəzasını ciddi rejimli cəzaçəkmə müəssisəsində çəkməklə 10 il müddətinə azadlıqdan məhrum olunub.
Kopyalandı
Seçilmişlər
