DİN və DSX birgə əməliyyat keçirdi | Narkotik maddə gətirən şəxs saxlanıldı

Daxili İşlər Nazirliyi və Dövlət Sərhəd Xidmətinin əməkdaşları tərəfindən birgə keçirilən xüsusi əməliyyat nəticəsində qaçaqmalçılıq yolu ilə ölkəyə gətirilən külli miqdarda narkotik maddələrin qanunsuz dövriyyəyə buraxılmasının qarşısı alınıb.

Belə ki, Beyləqanda keçirilən əməliyyat zamanı əvvəllər dəfələrlə məhkum olunmuş 31 yaşlı Adil Təhməzov saxlanılıb. Onun üzərindən, həmçinin avtomobilindən 180 kiloqram marixuana aşkarlanıb.

İlkin sorğu zamanı Adil Təhməzov narkotikləri İran vətəndaşı, şəxsiyyəti istintaqla araşdırılan “Həsən” adı şəxs vasitəsilə Beyləqan rayonu ərazisində gizlədilən yerdən Bakıda müxtəlif ünvanlara çatdırıb pul qazanmaq məqsədilə əldə etdiyini bildirib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, saxlanılan şəxs barəsində məhkəmənin qərarı ilə həbs qətimkan tədbiri seçilib.