Əməkdaşımızın olduğu ərazi raketlə vuruldu

Ukraynanın Donetsk vilayətinin Kramatorsk şəhəri Rusiya Silahlı Qüvvələri tərəfindən növbəti dəfə raket atəşinə məruz qalıb.

Məlumata görə, Baku TV əməkdaşının da olduğu küçədəki məktəb raket zərbələrinə tuş gəlib. Nəticədə məktəbin zirzəmisində yaşayan gözətçi ağır yaralanıb. Bundan başqa, ətrafdakı evlərin əksəriyyətinə ciddi ziyan dəyib.

Rusiya Ordusunun endirdiyi zərbələr nəticəsində uzun illərdir Kramatorskda yaşayan, diaspor rəhbəri həmyerlimiz Mübariz Rüstəmovun da mülkünə ziyan dəyib.

Qeyd edək ki, Rusiya Ordusunun Donbasa raket zərbələri endirməsinə səbəb Ukraynanın Baxmutda əks-hücuma başlamasıdır.