Evin tək övladı ehtiyatsızlıq ucbatından həyatını itirdi | Cəlilabad

Cəlilabadın Uzuntəpə kəndində bədbəxt hadisə nəticəsində 3 yaşlı uşaq həyatını itirib.

Belə ki, Cahid Vahabov nəzarətdən yayınaraq qonşuluqdakı həyətə keçib. Hündür pilləkənlə evin ikinci mərtəbəsində açıq eyvana çıxan azyaşlı burada müvazinətini itirərək yerə düşüb.

Şahidlərin dediyinə görə, təxminən 5 metr hündürlükdən yıxılan uşaq dəmir parçasının üstünə düşüb.

Xəsarət alan azyaşlı Cəlilabad Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.

Qeyd edək ki, həyatını itirən uşaq evin tək övladı olub.