FHN Ceyranbatan su kanalında batan kişi ilə bağlı məlumat yaydı

Aprelin 19-u axşam saatlarında Taxtakörpü-Ceyranbatan su kanalının Sumqayıt şəhəri ərazisindən keçən hissəsində batmış 1997-ci il təvəllüdlü Zeynalabdin Hüseyn oğlu Həsənovun meyiti aidiyyəti üzrə təhvil verilib.

Bu barədə Fövqəladə Hallar Nazirliyindən məlumat verilib.

Qeyd olunub ki, gecə saatlarında kanalın Ceyranbatan su anbarı ilə birləşən hissəsində aşkar olunmuş cəsəd FHN-in Xüsusi Riskli Xilasetmə Xidmətinin dalğıc-xilasediciləri tərəfindən sudan çıxarılıb.