FHN həyati təhlükə yaradan qazdoldurma məntəqəsi barədə hərəkətə keçdi

Göygöldə maye qazdoldurma məntəqəsinin istismarı dayandırılıb.

Bu barədə Fövqəladə Hallar Nazirliyindən bildirilib.

Xəbərə görə, Nazirliyin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin müfəttişləri tərəfindən Göygöl şəhərinin Azay Kazımov küçəsində fəaliyyət göstərən fərdi sahibkar Nizami Əliyevə məxsus maye qazdoldurma məntəqəsində plan üzrə yoxlama aparılıb. Bu zaman məntəqədə insan həyatı və sağlamlığı üçün təhlükə yarada biləcək pozuntular aşkarlanıb.

Nöqsanların dərhal aradan qaldırılmasının mümkün olmadığı, eləcə də insan həyatı və sağlamlığı üçün yaratdığı təhlükə nəzərə alınaraq, maye qazdoldurma məntəqəsinin istismarı Agentliyin əməkdaşları tərəfindən dayandırılıb və pozuntuların aradan qaldırılması üçün tərtib olunmuş aktın bir nüsxəsi sahibkara təqdim edilib.