Hadisə
Pleyeri seçin:
Goranboyda güclü yağış səbəbindən yaranan sel körpünü uçurdu
Goranboyda güclü külək və yağış fəsadlar törədib. Rayonun Rəhimli, Veyisli, Qazanbulaq, Qazançı kəndlərində əkin sahələri, yaşayış evləri və həyətlər sel suları altında qalıb.
Veyisli kəndində sel suları vətəndaşların həyətə yığdıqları arpa-buğdanın sıradan çıxmasına, toyuq-cücənin tələf olmasına səbəb olub.
Kənddə avtomobillərin hərəkətində də çətinlik yaranıb. Güclü külək səbəbindən bir neçə ağac yola aşıb. Veyisli kəndində sel suları körpüləri də zədələyib.
Yağışın ardından yaranan sel suları rayonun Qazanbulaq qəsəbəsində körpünü uçurub, kənd qəbiristanlığına ziyan vurub. Sakinlərə məxsus həyətlərə, zirzəmilərə su dolub. Güclü külək və yağış rayonun əksər yaşayış məntəqələrini işıqsız qoyub.
Qeyd edək ki, bölgədə qeyri-sabit hava davam edir.
Kopyalandı
Seçilmişlər
