Goranboyda mina partladı | Kənd sakini hadisəni danışdı

Goranboyda mina partlayışı olub.

Hadisə rayonun Tapqaraqoyunlu kəndi ərazisində qeydə alınıb.

“Gəlib gördüm ki, qoyunun biri minaya düşüb. Heyvanın biri tələf olub, biri də yaralanıb”, – kənd sakini hadisəni danışarkən bildirib.

Mina partlayışı qeydə alınan ərazidə ANAMA əməkdaşları cəlb olunub, hadisə yerinə baxış keçirilib.

Beynəlxalq Avrasiya Mətbuat Fondunun maarifləndirmə şöbəsinin rəhbəri Ruslan İbrahimbəyli bildirib ki, hadisə çay qırağında baş verib:

“Bu ərazi minadan təmizlənib. Hadisə piyada əleyhinə minanın çay vasitəsilə gəlməsi nəticəsində baş verib. İnsanlarda rahatlıq yaranır ki, ərazi əkilib-biçilirsə, deməli, burada mina yoxdur. Əgər həmin ərazidən çay keçirsə, hər an minanın gəlmə ehtimalı var”.

Qeyd edək ki, Tapqaraqoyunluda əvvəlki illərdə qeydə alınan mina partlayışları nəticəsində 2 nəfər kənd sakini zərər görüb.