Göyçayda 36 yaşlı kişi pilləkəndən yıxılaraq həyatını itirdi - Baku TV

Göyçayda həmyerlilər arasında yaranan mübahisə ölümlə nəticələnib.

Hadisə rayonun Məhəmməd Əmin Rəsulzadə küçəsində yerləşən kafelərdən birində qeydə alınıb.

Belə ki, 36 yaşlı Cavid Əhmədovla 31 yaşlı Mehman Əsgərov arasında şəxsi münasibətlər zəminində mübahisə yaranıb. Bu zaman Cavid Əhmədov hündür pilləkəndən yerə yıxılıb və ağır bədən xəsarətləri alıb. Ətrafdakı insanlar onu dərhal Göyçay Rayon Mərkəzi Xəstəxanasına çatdırsalar da onun həyatını xilas etmək mümkün olmayıb.

TƏBİB-dən verilən məlumata görə, Cavid Əhmədova təpə sümüyünün xətti sınığı, qapalı kəllə-beyin travması, beyinin əzilməsi, burunun sınığı diaqnozları təyin olunub və zəruri tibbi yardım göstərilib. Vəziyyəti ağır qiymətləndirilən pasiyentin müalicəsi Reanimasiya şöbəsində davam etdirilib. Həkimlərin çoxsaylı səylərinə baxmayaraq, onun həyatını xilas etmək mümkün olmayıb.

Meyit təşrih olunması üçün Məhkəmə-Tibbi Ekspertiza və Patoloji Anatomiya Birliyinin Göyçay rayon şöbəsinə təhvil verilib.