Göyçayda dəhşətli hadisə | Ata qətlə yetirildi

Göyçayda dəhşətli hadisə baş verib. Oğul atasını döyərək qətlə yetirib.

Hadisə aprelin 29-da axşam saatlarında rayonun Qaraxıdır kəndində yerləşən aptekin qarşısında qeydə alınıb.

Belə ki, kənd sakini Kamal Əhmədov aralarında yaranan mübahisə zəmnində atası 63 yaşlı Eynulla Əhmədova yumruqla zərbə endirib. Ağır bədən xəsarəti alan Eynulla Əhmədov elə hadisə yerində dünyasını dəyişib.

Əraziyə hüquq-mühafizə orqanı əməkdaşları cəlb olunub. Hadisənin hansı səbəbdən baş verməsi hələlik məlum deyil.

Meyit müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Göyçay rayon şöbəsinə təhvil verilib.

Baş vermiş hadisə ilə bağlı Göyçay rayon prokurorluğu məlumat yayıb. Bildirilib ki, aprelin 29-da saat 21 radələrində Göyçay sakini 1961-ci il təvəllüdlü Eynulla Əhmədovun ölməsi barədə rayon prokurorluğuna məlumat daxil olub.

Araşdırma zamanı 1989-cu il təvəllüdlü Kamal Əhmədovun rayonun Qaraxıdır kəndində atası Eynulla Əhmədovu döyərək müxtəlif dərəcəli bədən xəsarətləri yetirməsi səbəbindən sonuncunun aldığı xəsarətlərdən ölməsinə əsaslı şübhələr müəyyən edilib.

Faktla bağlı Cinayət Məcəlləsinin qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda maddəsi ilə cinayət işi başlanılıb.

Kamal Əhmədov iş üzrə şübhəli şəxs qismində tutulub. Hazırda cinayət işi üzrə ibtidai istintaq davam etdirilir.