Pleyeri seçin:
Göyçayda iki qonşu arasındakı dava faciə ilə bitdi
Göyçayda qətl hadisəsi baş verib. İki qonşu arasında başlanan mübahisə birinin amansızlıqla qətlə yetrilməsi ilə nəticələnib.
Hadisə iyulun 5-i günorta saat 12:00-da rayonun Hacı Zeynalabdin Tağıyev küçəsində qeydə alınıb.
Rayon sakini 39 yaşlı Abbas Əliyev mübahisə zəminində qonşusu 34 yaşlı Şahmar Kərimova bir neçə dəfə bıçaqla bədən xəsarətləri yetirib. Nəticədə Şahmar Kərimov hadisə yerində həyatını itirib.
Şahmar Kərimovun meyiti müayinə olunması üçün Səhiyyə Nazirliyinin Məhkəmə-Tibbi Ekspertizası və Pataloji Anatomiya Birliyinin Göyçay rayon şöbəsinə aparılıb. Hadisəni törədən Abbas Əliyev isə könüllü şəkildə istintaqa təslim olub.
Hazırda faktla bağlı Göyçay Rayon Prokurorluğunda cinayət işi başlanılıb, istintaq gedir.
Kopyalandı
#Göyçay teqi istifadə olunub
Seçilmişlər
