Hadisə
Pleyeri seçin:
Göyçayda ikimərtəbəli evdə yanğın baş verdi
Göyçayda ikimərtəbəli fərdi yaşayış evi yanıb. Hadisə rayonun Məlikkənd kəndində qeydə alınıb.
Kənd sakini 66 yaşlı Şamil Abdullayevə məxsus ikimərtəbəli ümumi sahəsi 200 kv.m olan evin 140 kv.m hissəsi əşyaları ilə birlikdə yanaraq külə dönüb.
Hadisə yerinə Fövqəladə Hallar Nazirliyinin Göyçay Rayon Yanğından Mühafizə Hissəsinin 3 avtomobili və 19 nəfər şəxsi heyəti cəlb olunub. Yanğının geniş əraziyə yayılmasının qarşısı alınıb.
Ev sahibinə külli miqdarda maddi ziyan dəyib. Onun sözlərinə görə, hadisə elektrik naqillərində yaranan qısa qapanmadan baş verib.
Hazırda faktla bağlı araşdırma aparılır.
Kopyalandı
Seçilmişlər
