Göyçayda qonşular arasında dava qanla bitdi
Göyçayda bir neçə gün əvvəl qonşular arasında baş verən münaqişə ölümlə nəticələnib.
Hadisə rayonun Hacı Zeynalabidin Tağıyev küçəsində qeydə alınıb.
53 yaşlı Göyçay rayon sakini Ruslan Süleymanovla qonşusu İslam Şıxaliyev arasında mübahisə yaranıb. Bu zaman İslam qonşusu Ruslanı dəmir parçası ilə döyərək ona müxtəlif xəsarətlər yetirib.
Ağır xəsarətlər alan Ruslan Süleymanovu yaxınları əvvəlcə Göyçay Rayon Mərkəzi Xəstəxanasına, daha sonra isə paytaxtdakı Neyrocərrahiyyə İnstitutuna çatdırıblar. Orada bir neçə gün müalicə alan Ruslan Süleymanov həkimlərin göstərdiyi yardımlara baxmayaraq, avqustun 8-də dünyasını dəyişib.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, İslam Şıxaliyev şübhəli şəxs qismində saxlanılıb və istintaqa cəlb olunub.
Hazırda faktla bağlı Göyçay Rayon Prokurorluğunda cinayət işi başlanılıb. İslam Şıxalıyev barəsində məhkəmənin qərarı ilə həbs qətimkan tədbiri seçilib.
![icon](/images/loading.png)