Güclü külək Qubada da fəsadlar törətdi

Qubada güclü külək bir sıra fəsadlar törədib. Güclü külək daha çox rayonun elektrik təsərrüfatına ziyan vurub.

Bu barədə Quba Rayon İcra Hakimiyyəti başçısının müavini Tariyev İbrahimov bildirib.

O bildirib ki, təbiət hadisəsi nəticəsində bir sıra metal konstruksiyalı qurğular, həmçinin ağaclar aşıb. Bir neçə evin dam örtüyünə ziyan dəyib: “Fəsadların aradan qaldırılması istiqamətində lazımlı tədbirlər həyata keçiriləcək”.