Güclü külək xaçmazlıları işıqsız qoydu

Güclü külək Xaçmaz rayonunda bir sıra fəsadlar törədib.

Xaçmaz-Xudat avtomobil yolunun Nərəcan kəndindən keçən hissəsində külək irigövdəli ağacı kafenin üstünə aşırıb. Nəticədə birmərtəbəli tikiliyə ciddi ziyan dəyib.

Güclü külək rayonun bir sıra ərazilərində elektrik xətlərini sıradan çıxarıb, nəticədə elektrik enerjisinin verilişində fasilələr yaranıb.

Külək nəticəsində yaranan digər fəsadların da aradan qaldırılması istiqamətində tədbirlər görülür.