Hacıqabulda ağır qəza: ölən və yaralananlar var

Axşam saatlarında Hacıqabulun Abdulabad kəndində ağır yol-nəqliyyat hadisəsi baş verib.

Minik avtomobilinin aşması nəticəsində 13 yaşlı Məhəmməd Abışov hadisə yerində həyatını itirib. Digər yaralı 13 yaşlı Əliyar Şirəliyev isə xəstəxanaya aparılarkən yolda dünyasını dəyişib. Xəsarət alan Pənah Abışov Şirvan Şəhər Mərkəzi xəstəxanasına yerləşdirilib.

Daxili İşlər Nazirliyinin Mətbuat Xidmətindən verilən məlumata görə, yol-nəqliyyat hadisəsi ilə bağlı Hacıqabul Rayon Polis Şöbəsində araşdırma aparılır.