İki uşaq anasının faciəvi ölümü

Mingəçevirdə 43 yaşlı müəllim faciəvi şəkildə həyatını itirib. Hadisə şəhərin Günəş küçəsində qeydə alınıb.

Mingəçevir şəhər sakini Günel İsayevanın meyiti yaşadığı evin vanna otağında aşkarlanıb. Onun dəm qazından zəhərləndiyi ehtimal edilir.

Daxili İşlər Nazirliyindən verilən məlumata görə, polis və prokurorluq əməkdaşları hadisə yerinə, eləcə də meyitə baxış keçirib, zəruri prosessual hərəkətlər yerinə yetirilib. Dünyasını dəyişən 43 yaşlı Günel İsayeva 2 uşaq anası olub. O, Mingəçevir şəhər 12 saylı orta məktəbdə müəllim işləyirmiş.

Qeyd edək ki, baş verən hadisə ilə bağlı şəhər prokorluğunda araşdırma aparılır.