İranlı ilə işləyən 5 narkokuryerin planı alınmadı | Bakıdakı əməliyyatdan görüntülər

Ölkədə beş nəfər 60 kiloqram narkotiklə tutulub.

Bu barədə Daxili İşlər Nazirliyindən məlumat verilib.

Yevlaxda və paytaxtın Sabunçu, Yasamal rayonlarında keçirilən əməliyyatlar nəticəsində əvvəllər məhkum olunmuş beş nəfər – 59 yaşlı Şəhla Kərimova, onunla əlbir olan 31 yaşlı Əbəlfəz Şərifov, 37 yaşlı Babək Talıbov, 29 yaşlı Eyvaz Məmmədov və 43 yaşlı Çingiz İsmayılov saxlanılıblar. Onlardan 60 kiloqrama yaxın tərkibi zərərli maddələrlə zənginləşdirilmiş marixuana, elektron tərəzilər və bank kartları aşkarlanıb.

Həmin şəxslər ifadələrində narkotik vasitələri şəxsiyyətləri istintaqla araşdırılan İran vətəndaşları vasitəsilə əldə etdiklərini və maddi gəlir qazanmaq məqsədilə ayrı-ayrı ünvanlara çatdırmaq niyyətində olduqlarını bildiriblər.

Faktla bağlı cinayət işi başlanılıb. Saxlanılan şəxslər barəsində məhkəmənin qərarı ilə həbs qətimkan tədbiri seçilib. Əməliyyat-istintaq tədbirləri davam etdirilir.