İstanbulda bomba şübhəsi

Türkiyənin İstanbul şəhərində şübhəli çanta təlaşa səbəb olub.

Belə ki, Beşiktaş stadionu ilə üzbəüz ərazidə yolun ortasına qoyulan çantanı görən vətəndaşların xəbərdarlığından sonra hadisə yerinə çox sayda polis cəlb edilib. Nəqliyyat vasitələrinin hərəkəti də yol polisi tərəfindən məhdudlaşdırılıb.

Ətrafda təhlükəsizlik tədbirləri görüldükdən sonra xüsusi geyimli bomba zərərsizləşdirmə mütəxəssisi şübhəli çantanı detonatorla idarəli şəkildə partladıb.

Çantanın içərisində paltarlar olduğu məlum olub. Daha sonra isə yol nəqliyyatın hərəkəti üçün açılıb.