Pleyeri seçin:
İstirahət mərkəzində bədbəxt hadisə | FHN hadisə yerində
Lənkəran-Lerik yolunun 23-cü kilometrliyində yerləşən istirahət mərkəzinin ərazisində yeniyetmə dərəyə yıxılaraq köməksiz vəziyyətdə qalıb.
Bu barədə Fövqəladə Hallar Nazirliyi məlumat yayıb. Dərhal Nazirliyin Cənub Regional Mərkəzinin xilasediciləri əraziyə cəlb olunub.
Hadisə yerində əməliyyat şəraiti qiymətləndirilərkən 14 yaşlı yeniyetmənin istirahət mərkəzinin ərazisində yıxılaraq dərəyə düşdüyü və ağacdan asılı vəziyyətdə qaldığı müəyyən edilib.
Xilasedicilər tərəfindən xüsusi alpinist ləvazimatlarının köməyi ilə o, dərədən çıxarılaraq ailəsinə təhvil verilib.
Kopyalandı
Seçilmişlər
