İtkin düşən müsavatçı ilə bağlı dəhşətli fakt ortaya çıxdı

Müsavat Partiyasının itkin düşən fəalının qətlə yetirildiyi məlum olub.

Natiq Məhəmməd oğlu Mehdinin itkin düşməsi barədə polisə daxil olan müraciət üzrə araşdırma aparılıb.

Baş Prokurorluğun yaydığı məlumata əsasən, Natiq Mehdinin onun iş yoldaşı, 1966-cı il təvəllüdlü Elsevər Eldar oğlu İslamov tərəfindən şəxsi münasibətlər zəminində öldürülməsinə və Xəzər rayonu ərazisində basdırılmasına əsaslı şübhələr müəyyən edilib.

Elsevər İslamov polis tərəfindən saxlanılaraq istintaqa təhvil verilib. Hazırda faktla bağlı araşdırma aparılır.