Keçmiş məmur anasının yasına getdi, sonra isə... | Lənkəranda qandonduran hadisənin detalları

Lənkəran rayonu, Zövlə kənd sakini, 60 yaşlı Rövşən Tarverdiyev ağır vəziyyətdə Rayon Mərkəzi Xəstəxanasının Təcili Tibbi Yardım Şöbəsinə hospitalizasiya olunub.

Həkimlər ona döş qəfəsini dəlib keçən güllə yarası diaqnozu qoyublar. Yaralı dərhal əməliyyat blokuna alınıb.

Yaxınlarının sözlərinə görə, Rövşən Tarverdiyev ov tüfəngi ilə özünə xəsarət yetirib.

“Həyətin qapısı açıq idi. Bir az irəliyə gedəndə gördüm ki, dayım yıxılıb, özünə xəsarət yetirib. Təcili tibbi yardıma zəng etdim ki, gəlib kömək etsinlər. Özü Bakıda yaşayırdı, bizə qonaq gəlmişdi. Dünən anasının il mərasimi idi”, – deyə yaralının bacısı oğlu bildirib.

Qeyd edək ki, R.Tarverdiyev paytaxtda yüksək vəzifələrdə çalışıb. Üç uşaq atası ötən il ailəsindən ayrılıb. Hazırda onun hansı səbəbdən özünə xəsarət yetirməsi araşdırılır.

Faktla bağlı rayon prokurorluğunda araşdırmalar davam etdirilir.