Kəlbəcərdə baş verən bədbəxt hadisə hərbçinin ölümü ilə nəticələndi - Baku TV

Kəlbəcər rayonu, Ömər aşırımı ərazisində xidməti vəzifələrini yerinə yetirərkən Azərbaycan Ordusunun hərbi qulluqçuları Rəcəb Mənsimli və İlyas Osmanov bölgənin qarlı və buzlu olması səbəbindən yıxılaraq dərəyə düşüblər.

Bu barədə Müdafiə Nazirliyinin məlumatında deyilir.

Müxtəlif bədən xəsarətləri alaraq yaralanan İlyas Osmanova dərhal ilk yardım göstərilərək yaxınlıqdakı tibb müəssisəsinə təxliyə olunub, vəziyyəti stabildir.

"Təəssüflə bildiririk ki, aldığı xəsarətlər nəticəsində Rəcəb Mənsimlinin həyatını xilas etmək mümkün olmayıb. Müdafiə Nazirliyinin rəhbərliyi həlak olan hərbi qulluqçuya Allahdan rəhmət diləyir, yaxınlarının dərdlərinə şərik olur, ailəsinə dərin hüznlə başsağlığı verir, yaralı hərbi qulluqçuya şəfa diləyir", – deyə Nazirliyin məlumatında vurğulanıb.

Faktla bağlı araşdırma aparılır.