Körpəsini necə o vəziyyətə qoya bilər axı? | Qubada qandonduran hadisənin detalları

Sanitar qovşaqda doğuş edən qadın övladının canına qəsd etmək istəyib.

Məlumat KİV-də və sosial şəbəkələrdə yayılıb.

Hadisənin Quba Rayon Mərkəzi Xəstəxanasında baş verdiyi bildirilir. İddialara görə, 34 yaşlı hamilə qadın sözügedən tibb müəssisəsinin sanitar qovşağında doğuş həyata keçirib. Daha sonra isə o, övladını qətlə yetirməyə cəhd edib.

“Bizim.Media”nın məlumatına görə, Turanə Xaçmazın Qusarçay kəndində doğulsa da, Xudat şəhərində qeydiyyatdadır.

Üç ildir Qubada yaşayan qadın elə həmin rayondan olan evli bir kişi ilə tanış olub və iki ay münasibətləri davam edib. Kişi onun hamilə olduğunu biləndə qadından uzaqlaşıb.

Qadın bu səbəbdən həkimləri aldatmaq istəyərək sanitar qovşaqda uşağı doğduqdan sonra qətlə yetirməyə cəhd edib.

Quba Rayon Mərkəzi Xəstəxanasının tibb personalı Turanəyə mane olub. Tibb işçiləri körpəyə və anaya Təcili tibbi yardım şöbəsində ilk yardım göstəriblər.

Ana və oğlan uşağı Quba Regional Perinatal Mərkəzə yerləşdirilib. Körpənin vəziyyəti ağır dəyərləndirildiyindən süni ventilyasiya aparatına qoşulub.

Faktla bağlı Quba Rayon Prokurorluğunda araşdırma aparılır.