Pleyeri seçin:
Kürdəmirdə qəza | Sakinlər susuz qaldı
Kürdəmirdə magistral su xəttində qəza baş verib.
Nəticədə rayon ərazisinə və ona bitişik bir neçə kəndə içməli suyun verilişi dayandırılıb.
Hadisə fevralın 9-da səhər saatlarında rayonun Atakişili kəndi ərazisində qeydə alınıb. Qəza Külüllü-Kürdəmir su xəttinin 33-cü km-də, 8222 abonentə xidmət edən və diametri 500 millimetr olan su borusunda baş verib.
“Azərsu” ASC-nin ərazi üzrə əməkdaşları baş verən hadisənin aradan qaldırılması istiqamətində zəruri işlər həyata keçirirlər.
Qeyd edək ki, ümumi uzunluğu 29 km olan Külüllü-Kürdəmir magistral su xətti 2011-ci ildə dövlət vəsaiti hesabına “Azərsu” ASC tərəfindən inşa olunub. Bu xətt Kürdəmir rayon mərkəzinin və daha 12 kəndin su təminatının yaxşılaşdırılması məqsədilə həyata keçirilib.
Kopyalandı
Seçilmişlər
