Kürdəmirdə zəncirvari qəza baş verib

Kürdəmirdə zəncirvari qəza baş verib, mikroavtobusun aşması nəticəsində tonlarla məhsul yola tökülüb.

Hadisə Bakı-Qazax yolunun rayonun Karrar kəndindən keçən hissəsində qeydə alınıb.

Belə ki, “VAZ 2106” markalı avtomobil həmin yolda dönmə əməliyyatı edərkən “Volsvagen” markalı maşına çırpılıb. Sonra isə “Volsvagen” “Mercedes” markalı içi yüklə dolu olan mikroavtobusa çırpılıb.

Nəticədə 3 nəfər müxtəlif dərəcəli ağır bədən xəsarəti alaraq Kürdəmir Rayon Mərkəzi Xəstəxanasına aparılıb. Faktla bağlı araşdırma aparılır.