Lənkəranda avtomobil dərəyə aşdı | Ölən və yaralananlar var

Lənkəran-Lerik yolunda ölümlə nəticələnən yol-nəqliyyat hadisəsi baş verib.

Hadisə magistral yolun 50-ci km-də “Veləçola” adlanan ərazidə qeydə alınıb.

Qəza zamanı Lerik rayon sakini Xalid Eyvazovun idarə etdiyi “Toyota” markalı avtomobil yoldan çıxaraq təqribən 600-700 metr hündürlükdən dərəyə aşıb. Nəticədə avtomobildə olan sərnişin İsmayıllı rayon sakini 65 yaşlı Telman Bağırov dünyasını dəyişib. Sürücü və digər sərnişin – Lerik rayon sakini Rahil Hüseynov isə xəsarət alıb.

İlkin məlumata görə, hadisəyə səbəb yolun qarlı və buzlu olmasıdır.

Faktla bağlı araşdırma aparılır.