Lənkəranda bıçaqlanma hadisəsi baş verib

Lənkəranda iyunun 29-u axşam saatlarında şəhərin mərkəzi meydanında iki nəfər bıçaqlanıb.

Lənkəran rayon sakini, 33 yaşlı Nurlan Nurəliyev və Bakı şəhər sakini, 37 yaşlı Arif İsmayılov tanımadıqları şəxs və ya şəxslər tərəfindən hücuma məruz qalıblar.

Hər iki şəxs Lənkəran Rayon Mərkəzi Xəstəxanasının təcili yardım şöbəsinə çatdırılıb. Yaralılara zəruri ilkin tibbi xidmətlər göstərilib, müalicələri cərrahiyyə şöbəsində davam etdirilir.

Qeyd edək ki, hadisənin hansı səbəbdən baş verdiyi hələlik məlum deyil. Faktla bağlı araşdırma aparılır.