Lənkəranda kütləvi zəhərlənmə

Lənkəranda kütləvi zəhərlənmə olub. Hadisə rayonun dağ kəndi olan Bəlitonda baş verib.

Ev şəraitində təşkil olunan Arzuman Ağayevin qızının nişan və ad günü məclisinə 30-a yaxın qonaq dəvət olunub. Süfrədəki təamların qəbulundan sonra qonaqlar özlərini pis hiss ediblər. Onlardan 17 nəfəri ağır vəziyyətdə təcili tibbi yardım maşınları ilə Lənkəran rayon mərkəzi xəstəxanasına çatdırılıb. Xəstələrə ilkin tibbi yardım göstərilib və müvafiq şöbələrə yerləşdiriliblər.

Zəhərlənənlərdən 1-i kişi, 7-si qadın, 9-u uşaqdır. Hazırda 10 nəfərin müalicəsi xəstəxanada davam etdirilir. Hadisə ilə bağlı Qida Təhlükəsizliyi Agentliyi hərəkətə keçib. Qurum nümayəndələri hadisənin baş verdiyi evə gedərək qida qalıqlarından nümunələr götürüb laboratoriyaya göndəriblər.

Faktla bağlı Rayon Prokurorluğunda araşdırmalara başlanılıb.