Lənkərandakı faciəvi qəzanın təfərrüatı

İyunun 9-u günorta saatlarında Lənkəranda ölümlə nəticələnən ağır yol qəzası baş verib.

Ələt-Astara magistralının 152-ci km-də, Boladi kəndi ərazisində qeydə alınan hadisə zamanı paytaxt sakini 42 yaşlı Məmməd Rəcəbovun idarə etdiyi “Toyota” və Lənkəran rayonunun Haftoni kənd sakini 43 yaşlı Mühəndis Rzayevin idarə “Mercedes” markalı minik maşınları toqquşub.

Nəticədə “Toyota”da olan sərnişin 41 yaşlı Hüseyn Zamanov hadisə yerində dünyasını dəyişib. Həmçinin ümumilikdə 7 nəfər müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıb.

Qeyd edək ki, həkimlərin tibbi müdaxiləsinə baxmayaraq, ağır xəsarətlər alan 10 yaşlı Akif Mahmudovun həyatını xilas etmək mümkün olmayıb, o, xəstəxanada keçinib. Yaralılardan 57 yaşlı Məlahət Mahmudovanın da vəziyyəti ağırdır. Onun müalicəsi xəstəxananın Reanimasiya şöbəsində davam etdirilir.

Hazırda faktla bağlı araşdırma aparılır. Yol qəzasının səbəblərini müəyyən etmək üçün avtotexniki ekspertiza təyin edilib.