Lənkərandakı zəlzələ binalarda ciddi fəsadlar törətdi | Qurum nə deyir?

Mayın 11-də Lənkəranda baş verən zəlzələdən sonra çoxmərtəbəli yaşayış binalarının blokunda və bir neçə mənzildə çatlar əmələ gəlib.

Fəsadlar daha çox şəhərin Zərifə Əliyeva küçəsindəki binalarda müşahidə olunub.

Sakinlərin sözlərinə görə, zəlzələdən sonra mənzillərin qapıları bağlanmır.

“Evdə idim, yerimdə uzanmışdım, birdən yellənmə oldu. Güclü səs gəldikdən sonra xeyli silkələndik. Evdə uşaqlarım, nəvələrim var idi. Qorxularından hamı qapının ağzına qaçdı”, – bina sakini söyləyib.