Masazırda yanğın baş verən mənzildə kişi meyiti aşkarlandı

Abşeronda yanğın hadisəsi baş verib.

Hadisə Masazır qəsəbəsi, “Yeni Bakı” yaşayış kompleksi, bina 2c, mənzil 14-də qeydə alınıb.

Yanğın zamanı tüstüdən zəhərlənən 1932-ci il təvəllüdlü Ələkbər Mehdiyev hadisə yerində həyatını itirib. Ələkbər Mehdiyev həmin mənzildə nəvəsi ilə yaşayarmış. O, yanğın baş verən zaman çölə çıxmaq istəsə də, buna nail ola bilməyib. Tüstüdən huşunu itirərək elə oradaca dünyasını dəyişib.

Məlumatla əlaqədar Fövqəladə Hallar Nazirliyinin müvafiq qüvvələri hadisə yerinə cəlb olunub. Yanğının yeddimərtəbəli yaşayış binasının 4-cü mərtəbəsində yerləşən 2 otaqlı mənzildə baş verdiyi müəyyən olunub. Yanğının genişlənərək mənzilin digər hissələrinə və başqa mənzillərə yayılmasının qarşısı alınıb.

Faktla bağlı araşdırma aparılır.