Məktəbdə narkotik alveri: Görüntüdəki şagirdlər kimlərdir?

Oktyabrın 3-də paytaxtın Nəsimi rayonunda yerləşən orta məktəblərdən birinin yaxınlığında narkotik maddələrin satışı iddiaları ilə bağlı yayılan görüntülərə Daxili İşlər Nazirliyindən reaksiya gecikmədi.

Nazirliyin Mətbuat Xidmətinin əməkdaşı Anar Qafarov Baku TV-yə açıqlamasında həmin şəxsin paytaxt sakini 36 yaşlı Zaur Hacıyev olduğunu bildirib.

A.Qafarov bildirib ki, təqsirləndirilən şəxsin üzərindən külli miqdarda 102 qram narkotik vasitə heroin aşkar edilib: “Araşdırma zamanı Zaur Hacıyevin narkotik maddələrin satışını təşkil etməklə bərabər aludəçisi olduğu, həmçinin onunla birlikdə görüntülənən şəxslərin məktəb şagirdləri yox, narkotik vasitə istifadəçiləri olduqları müəyyən edilib. Şübhəli şəxs barəsində Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir”.