Mənzildən külli miqdarda pul oğurlayan şəxslər saxlanıldı

Paytaxtın Nəsimi rayonunda naməlum şəxs evlərin birindən 18 500 manat oğurlayıb.

Bu barədə zərərçəkən polisə şikayət edib.

Daxili İşlər Nazirliyindən verilən məlumata görə, əməli törədən Təbriz Əhmədov ev sahibinin mənzilin qapısını açıq saxlayaraq yuxuya getməsindən istifadə edib, külli-miqdarda pul oğurlayıb. Araşdırmalar nəticəsində sözügedən şəxs tutulub.

Digər əməliyyatlar zamanı paytaxt ərazisində narkotiklərin qanunsuz dövriyyəsi ilə məşğul olan Vüqar Həsənov, Fərid İsgəndərov və Gülməmməd Musayev də saxlanılıblar. Həmin şəxslərdən iki kiloqramdan artıq marixuana, heroin və metamfetamin aşkarlanıb.

Faktlarla bağlı araşdırmalar aparılır.