Mikroavtobus minik avtomobili ilə toqquşdu | Yaralılar var

Daşkəsən rayonunun Bayan kəndində ağır yol-nəqliyyat hadisəsi baş verib.

“Report”un məlumatına görə, “Mercedes” markalı mikroavtobusun minik avtomobili ilə toqquşması nəticəsində 14 nəfər yaralanıb.

Qəzadan sonra mikroavtobus su kanalına düşüb. Yaralılar xəstəxanaya çatdırılıb. Onlardan üçünün vəziyyəti orta-ağır qiymətləndirilir.

Digər nəqliyyat vasitəsi “Toyota Corolla” markalı avtomobil olub. Avtomobilin Səfərbərlik və Hərbi Xidmətə Çağırış üzrə Dövlət Xidmətinin Daşkəsən rayon bölməsinin rəisi Səbuhi Abdullayevə məxsus olduğu bildirilir.