Mingəçevirdə bədbəxt hadisə | Hadisə şahidi hər şeyi danışdı

Mingəçevirdə 51 yaşlı kişinin üzərinə ağac düşüb.

Bədbəxt hadisə şəhərin Məmməd Əmin Rəsulzadə küçəsində yerləşən avtoyuma məntəqəsində qeydə alınıb.

Hadisə şahidi Roman Babayevin sözlərinə görə, ağac çürük olub: “Xalça sərdiyimiz zaman ağac qırıldı, çiyninin üstünə düşdü”.

Müxtəlif dərəcəli bədən xəsarətləri alan 51 yaşlı Samid Əliyev Mingəçevir Şəhər Mərkəzi Xəstəxanasına çatdırılıb. Xəstəyə bütün lazımi tədbirlər görülüb, müalicəsi davam etdirilir.

Hadisənin başvermə səbəbləri araşdırılır.