Mingəçevirdə dəhşətli yanğın | Ailələr evsiz qaldı

Mingəçevirdə güclü yanğın olub. Hadisə şəhərin Heydər Hüseynov küçəsində, keçmiş məcburi köçkünlər yaşadığı binada baş verib.

Məlumata görə, yanğın beşinci mərtəbədə qeydə alınıb.

Fövqəladə Hallar Nazirliyinin (FHN) Dövlət Yanğından Mühafizə Xidmətinin Mingəçevir şəhər Yanğından Mühafizə Hissəsinin yanğınsöndürənləri hadisə yerinə cəlb olunublar.

FHN-dən verilən məlumata görə, əməliyyat şəraiti qiymətləndirilərkən yanğının yeddimərtəbəli yataqxana tipli yaşayış binasının 5-ci mərtəbəsində baş verdiyi və yayılma riskinin yüksək olduğu müəyyən edilib.

Yanğınsöndürənlərin çevik müdaxiləsi sayəsində baş verən yanğın genişlənməsinə, o cümlədən digər mənzillərə yayılmasına imkan verilmədən qısa müddətdə söndürülüb. Təhlükəsizlik tədbirləri çərçivəsində bina sakinləri təxliyə edilib.

Yanğın nəticəsində vətəndaşlara məxsus arakəsmələri taxta konstruksiyadan ibarət ümumi sahələri 40 və 50 m² olan iki otağın yanar konstruksiyaları yanıb. Qonşu mənzillər yanğından mühafizə olunub. Xəsarət alan yoxdur.

Hadisənin başvermə səbəbləri araşdırılır.