Mingəçevirdə sosial yardım düzəltmək adı ilə dələduzluq edən şəxs saxlanıldı

Vətəndaşlardan daxil olan çoxsaylı şikayətlər əsasında dələduzluq etməkdə şübhəli bilinən paytaxt sakini Xoşbəxt Quliyev Mingəçevir Şəhər Polis Şöbəsinin əməkdaşları tərəfindən saxlanılıb.

Daxili İşlər Nazirliyindən verilən məlumata görə, həmin şəxs zərərçəkənləri müxtəlif dövlət qurumlarında işlə təmin etmək, sosial yardım düzəltmək və digər vədlərlə aldadaraq pul vəsaitlərini ələ keçirib. Xoşbəxt Quliyev dələduzluq etdiyi şəxslərə özünü “Tuncay” adı ilə təqdim edib.

Məhkəmənin qərarı ilə onun barəsində həbs qətimkan tədbiri seçilib. Bu şəxsin əməllərindən zərərçəkən başqa vətəndaşlar varsa, polisə müraciət etmələri bildirilib.