Nəsimidə baş verən bədbəxt hadisənin təfərrüatları məlum oldu

Bakıda parkda azyaşlını elektrik cərəyanı vurub. Bu barədə TƏBİB-dən bildirilib.

Məlumata görə, Respublika Təcili və Təxirəsalınmaz Tibbi Yardım Mərkəzinə Nəsimi rayonu, Koroğlu parkı ərazisində yerləşən dayanacaqda dörd yaşlı uşağı elektrik cərəyanının vurması səbəbi ilə çağırış daxil olub.

Çağırış ünvanına təcili tibbi yardım briqadası cəlb edilib. Təcili tibbi yardım briqadası tərəfindən xəsarət alan azyaşlı Kliniki Tibbi Mərkəzə hospitalizasiya olunub.

Tibb müəssisəsində azyaşlıya zəruri tibbi xidmətlər göstərilib. Vəziyyəti stabilləşən azyaşlı ambulator müalicə üçün evə buraxılıb.