Oğuzun Sincan kəndində 3 nəfər fındıq oğrusu saxlanıldı
Oğuz rayonunun Sincan kəndində yerləşən 3 evdən ayrı-ayrı vaxtlarda ümumilikdə 300 kiloqrama yaxın fındığın oğurlanması barədə polis şöbəsinə məlumat daxil olub.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, aparılan araşdırmalar zamanı oğurluqların eyni şəxslər tərəfindən törədildiyi müəyyən edilib.
Polis əməkdaşlarının keçirdikləri əməliyyat-axtarış tədbiri nəticəsində hadisələri törətməkdə şübhəli bilinən üç dost – Elnur Usubov, Murad və Dilavər Mikayılovlar saxlanılıblar.
Saxlanılan şəxslər ifadələrində əməllərini gecə saatlarında həyata keçirdiklərini və oğurladıqları fındıqları Qəbələ rayonuna apararaq orada satdıqlarını, əldə etdikləri qazancı isə öz aralarında böldüklərini bildiriblər.
Faktla bağlı Oğuz Rayon Polis Şöbəsində cinayət işi başlanılıb, əməliyyat-istintaq tədbirləri davam etdirilir.
#Oğuz rayonu teqi istifadə olunub
- "Ustalarda qalmışıq, pul çatdıra bilmirik" | Əhalinin baş götürüb qaçmaq istədiyi kənd - Baku TV
- Oğuzun Padar kəndinin bitməyən yol problemi - Baku TV
- "Peşəcar" layihəsi vətəndaşlara yeni iş imkanı verəcək
- "Ruhi xəstədir, tövləmi də yandırıb" | Oğuz sakinləri qorxu içində yaşayırlar
- Oğuzda ölümlə nəticələnən yol qəzası | Hadisə yerindən dəhşətli görüntülər
